अमर सन्ततितीन ठोक्तक
आफ्नै इज्जतको हावा खोल्छ आफ्नै हो झैँ गरी दावा ढोल्छ शक्तिले मात्तिएको तानाशाह शान्त छिमेकमाथि धावा बोल्छ ।
अमर सन्तति :
१.
पराइ- पाखुरीले देश छोएको बेला
काला कर्तुतले देश धोएको बेला
पराइकै पुजी पाउ हाँसेको छ सत्ता,
के लेखूँ म गीत देश रोएको बेला !
२.
गाउँ सहर बस्ती घेर्ने छेपारा धेरै भए
रुख चढी भुइँ हेर्ने छेपारा धेरै भए
केवल स्वार्थनिम्ति अनुकुल मौका हेर्दै ,
घरिघरी रङ्ग फेर्ने छेपारा धेरै भए ।
३.
आफ्नै इज्जतको हावा खोल्छ
आफ्नै हो झैँ गरी दावा ढोल्छ
शक्तिले मात्तिएको तानाशाह
शान्त छिमेकमाथि धावा बोल्छ ।
०००
भक्तपुर
