अमर सन्ततितीन ठोक्तक
अझै के के खोज्दै हुनुहुन्छ तपाईं ए महोदय ? पद र सत्तालाई दुहुनो गाई बनाउनु भएको छ ।
अमर सन्तति :
१.
पूर्वाधार विकासमा अघि बढियो
पुल नभएको खबर आज पढियो
कति गाह्रो रहेछ हो नेता हुन पनि !
तुइन हेर्नलाई भ्युटावर चढियो ।
२.
कता कसलाई हुन्छ कल गर्नुस् महोदय
अर्को काण्ड मच्चाउन बल गर्नुस् महोदय
देशलाई आफ्नै ठानी बिर्ता वा मानी पेवा ,
आश्वासनको रोटी बेल्दै छल गर्नुस् महोदय ।
३.
जनतालाई सौतेलो भाइ बनाउनु भएको छ
सिद्धान्तलाई चुहिने कराई बनाउनु भएको छ
अझै के के खोज्दै हुनुहुन्छ तपाईं ए महोदय ?
पद र सत्तालाई दुहुनो गाई बनाउनु भएको छ ।
०००
भक्तपुर
Subscribe
Login
0 Comments
Oldest
