नेपाली हास्यव्यङ्ग्य अनलाइन पत्रिका

अमर सन्तति :

१.
जनतन्त्रको भाँड पनि देखियो
लोकतन्त्रको टाँड पनि देखियो
जति लुकाउन खोजे पनि बाबै !
गणतन्त्रको गाँड पनि देखियो ।

२.
म पनि आँखा ललितानिवासतिर लाउँदैछु
हवाइजहाजको ठूलो बासतिर आउँदैछु
कमाउने उपाय सिक्नलाई बल्ल ए हजुर ,
ठूलाबडाका ती भव्य आवासतिर धाउँदैछु ।

३.
दवाव र प्रलोभनमा त्यति सारो नपर्नुस् न ए हजुर !
सयबाट साठीमा झर्ने काममा अघि नसर्नुस् न ए हजुर !
कति गर्नुहुन्छ इज्जतमा नै धक्का लाग्ने काम कुरो ?
गर्नै परेपछि घाटाको ब्यापार नगर्नुस् न ए हजुर !

०००
भक्तपुर ।