रामकुमार पण्डित क्षेत्रीतीन ठोक्तक
धेरैले सोधे सरकारले गल्ती गर्दा राजीनामा दिन्छ कि दिँदैन खेतालाको नैतिकता काम गर्नु ज्याला लिनुसम्म हुन्छ साथी ।
रामकुमार पण्डित :
१.
युवाहरू विदेशिएर उतै पसिना बगाए, राम्रै कमाए
परिवारको यादलाई छातीमा गाँठो पारेर काम चलाए
रोजगारीको अमृत बाँड्छु भन्नेले मन्द विष पो ख्वाउँदै छ कि
सरकारले तिहारमा लामो बिदा दियो, नानीहरू रमाए ।
२.
कानको नैतिकता भए नसुनेको सत्यलाई समेत सुन्छ साथी
कुलोको नैतिकता हुँदा पानीले गह्राको आलीसम्म छुन्छ साथी
धेरैले सोधे सरकारले गल्ती गर्दा राजीनामा दिन्छ कि दिँदैन
खेतालाको नैतिकता काम गर्नु ज्याला लिनुसम्म हुन्छ साथी ।
३.
दिउँसो क्रिक्रेटको जितले सबैको मुहारमा हाँसो छायो
रातमा भूकम्पको नृत्यले मान्छे मार्यो आँखामा आँसु ल्यायो
सुखदुःख सिक्काको दुई पाटाजस्तै छिनछिनमै पल्टिन्छ
यहाँ छिनमै पानीले जीवन दियो छिनमै बस्ती डुबाएर खायो ।
०००
का.म.पा.- ६ बौद्ध सिमलटार ।
