रुद्र ज्ञवालीतीन ठोक्तक
अनेकौँ झुप्राहरूको बिचमा एकथान दरबार भेटिन्छ खोज्दै पस्नुस् त्यसैभित्र देश बिगार्ने मतियार भेटिन्छ तपाईं यदि यथार्थमा नै अपराधी खोज्दै हुनुहुन्छ भने अपराधको जरा खोतल्दै जानुस् त्यतै सरकार भेटिन्छ ।
रुद्र ज्ञवाली :
१.
मैदानमा हुने सरहको पठारमा भिडभाड हुँदैन
साँझको बेला भएझैँ सखारमा भिडभाड हुँदैन
लेख्नुस् बिचार छर्दै जानुस् चिन्ता कुनै नगर्नुस्
मूल्यवान वस्तुहरूको बजारमा भिडभाड हुँदैन ।
२.
अनेकौँ झुप्राहरूको बिचमा एकथान दरबार भेटिन्छ
खोज्दै पस्नुस् त्यसैभित्र देश बिगार्ने मतियार भेटिन्छ
तपाईं यदि यथार्थमा नै अपराधी खोज्दै हुनुहुन्छ भने
अपराधको जरा खोतल्दै जानुस् त्यतै सरकार भेटिन्छ ।
३.
साहुका प्यादा बनेर साक्षी किनाराका फटके आउँछन
वापती माफिया तस्कर तथा अपराधी पटके आउँछन
जो जो आए पनि निचोडमा लुट्छन् जनता पालैपालो
बनेर सपनाका सौदागर मदारी कहिले चटके आउँछन् ।
०००
भैरहवा ।
Subscribe
Login
0 Comments
Oldest
