नेपाली हास्यव्यङ्ग्य अनलाइन पत्रिका

अमर सन्तति :

१.
अघि बढ्न नातागोता टोले हुनु पर्छ
मालिक भन्दै बोकी हिँड्ने डोले हुनु पर्छ
त्यसै कहाँ पद पैसा मिल्छ र ए हजुर !
सधैँ भरि अन्धभक्त झोले हुनुपर्छ ।

२.
सल्बलायो बिचौलिया घरकै छ कि त क्या हो !
भित्री मूल्य साँच्चै नै चर्कै छ कि त क्या हो !
फेरिन्छन् छिनछिनै यिनका बोली र व्यबहार ,
चाबी लगाउने र खोल्ने अर्कै छ कि त क्या हो !

३.
कसैलाई जागिर खाने तोक भयो गणतन्त्र
कसैलाई मागी खाने भोक भयो गणतन्त्र
जनताका पीर व्यथा खातमाथि खात लाग्दा ,
कसैलाई हाँसी खाने जोक भयो गणतन्त्र ।

०००
रामेछाप