नेपाली हास्यव्यङ्ग्य अनलाइन पत्रिका

अमर सन्तति :

१.
जनताको उदरमा भोकतन्त्र छाएको छ
शक्तिको भरमा ठोकतन्त्र उदाएको छ
परिवर्तन कहाँ आयो भन्नुहुन्छ तपाईं ?
उहाँको घरमा त लोकतन्त्र आएको छ ।

२.
आहा ! हजुर क्या राम्रो दामी भन्नु होला
सबै बेश छ, बदनामी त गन्दै न गन्नु होला
तिनीहरुले जे गरे नि प्रशंसाको गीत गाउनू,
नत्र त तपाईं नामुद पश्चगामी बन्नु होला ।

३.
जेलनेल परेको रोगी हुन हो र !
अगाडि सरेको दुख भोगी हुन हो र !
कति अबुझ हौ तिमी जनता पनि ?
राजनीति गरेको जोगी हुन हो र !

०००
रामेछाप
हाल भक्तपुर