नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
सत्र हजार नाघ्दा पनि किन अघाएनन ?
असल कर्म नगर्नाले आस्था जगाएनन ।
खाना, नाना, छाना माग्दा मर्नुपर्छ याहॉ !
धाक, धम्कि, दुष्ट मति अझै भगाएनन ॥

२.
शहीदको सपना खै कहिले पुरा हुन्छ ?
देशका निम्ति बोल्यो भने अझै पनि थुन्छ ।
राम राज्य ल्याएँ भन्छ सत्ता हत्याउनेले;
जनताको घरमा खाने चामल न त नुन छ ॥

३.
देशका निम्ति प्राणाहुति गर्ने पो हुन् शहीद
जनाधिकार दिलाउन मर्ने पो हुन् शहीद ।
सर्वपूज्य महा-मानव स्तुत्य छन उनी,
जन जनमा देश प्रेम छर्ने पो हुन् शहीद ॥

०००
पोखरा