नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
ठूला माछा समाउँछु भन्दै बहुत मच्चिए;
माछो गह्रुङ्गो रहेछ बोक्नै नसकेर थच्चिए ।
लेनदेन वार्गेनिङ मिलेर हो वा डराएर हो !
माछालाई ठूलो केजमा राख्न हच्किए ॥

२.
कुर्सिमा बसेकाहरू सम्मान र नमस्ते मात्र खोज्छन्;
जनताको हित र देश विकास भन्दा कमिशन रोज्छन् ।
नेता र नेतृत्वमा हुनुपर्ने गुण उनीहरूमा कत्ति देखिँदैन ;
गुटमा रमाउँदै आफ्नै भित्रकालाई शब्दले घोच्छन् ॥

३.
व्यापार ब्यवसाय अनुकूल परिस्थितिनै छैन ।
बैंक ऋण तिर्न नसक्दा व्यवसायी झन् बेचैन;
बैंकमा तरलता थुप्रिएर मात्रै के गर्नु र… ?
यस्तो परिस्थितिको सर्जक कतै लाजनीति त हैन !

०००
पोखरा-११, कास्की ।