सक्षम र सवल प्रदेश,सुनिश्चित अधिकार

पिता माता पाल्ने

सधैँ एक्लो पारी विरह बहमा राख्दछन् बेसहारा बुढो हड्डी घोटी भन न कसरी गर्दछन् ती गुजारा मरे मात्रै फिर्छन् दिन दशकृया दाम बोकेर फाँचो पिता माता पाल्ने सविनय बधू पुत्रको देख्छु खाँचो॥

Nepal Telecom ad

रामशरण न्यौपाने :

बढ्यो तृष्णा धेरै धनतिर हरे लोकको आज भोलि
हिँडेका छन् सारा परमुलुकमा दामको भर्न झोली
परेको अप्ठ्यारो म त मुलुककै लेख्छु खोलेर साँचो
पिता माता पाल्ने सविनय बधू पुत्रको देख्छु खाँचो॥१

भई एक्लो छोरो बहुत प्रिय त्यो बाबु आमाहरूको
पुगी कोसौँ टाढा गुठिल धनको बात सुन्दा अरूको
दिएका छन् धोका कति हृदयमा आज हानेर भाँचो
पिता माता पाल्ने सविनय बधू पुत्रको देख्छु खाँचो॥२

पढाए लेखाए ऋण धन गरी हाड घोटेर धेर
बुढा बाबा आमाकन पछि खुबै गर्छ सेवा भनेर
यहाँ नेपालीले जति पनि पढे बुद्धि देखिन्छ काँचो
पिता माता पाल्ने सविनय बधू पुत्रको देख्छु खाँचो॥३

सधैँ एक्लो पारी विरह बहमा राख्दछन् बेसहारा
बुढो हड्डी घोटी भन न कसरी गर्दछन् ती गुजारा
मरे मात्रै फिर्छन् दिन दशकृया दाम बोकेर फाँचो
पिता माता पाल्ने सविनय बधू पुत्रको देख्छु खाँचो॥४

सधैँ लठ्ठी टेकीकन शहरमा किन्न सामान जान्छन्
बिरामी पर्दामा कति दिन मकै गुन्द्रुकै मात्र खान्छन्
सयौँ पीडा हुन्छन् तन उपरमा सेक्न को दिन्छ बाँचो
पिता माता पाल्ने सविनय बधू पुत्रको देख्छु खाँचो॥५

०००
भक्तपुर

Fitkauli Publication Books comming soon
Nepal Telecom ad
आमा भन्छिन्

आमा भन्छिन्

रामशरण न्याैपाने
आमा पुजेर बस्ने

आमा पुजेर बस्ने

रामशरण न्याैपाने
लाग्यो बुढ्यौली भनी

लाग्यो बुढ्यौली भनी

रामशरण न्याैपाने
विना श्रीपेचका राजा

विना श्रीपेचका राजा

रामशरण न्याैपाने
आँसु झार्ने नपार

आँसु झार्ने नपार

रामशरण न्याैपाने
विभीषिका र बाध्यता

विभीषिका र बाध्यता

रामशरण न्याैपाने
व्यथाको बिसौनी

व्यथाको बिसौनी

विष्णुहरि पाैडेल
आमा

आमा

के.पी. पाैडेल
आमा भन्छिन्

आमा भन्छिन्

रामशरण न्याैपाने
बुढ्यौलीको सूचक र कर्म

बुढ्यौलीको सूचक र कर्म

श्रीधर लामिछाने