नेपाली हास्यव्यङ्ग्य अनलाइन पत्रिका

रुद्र ज्ञवाली :

१.
बाहिर साबुत र भित्रभित्र सडेको हुन सक्छ
कसर बाँकी कतै अलिकति रहेको हुन सक्छ
राम्ररी हेर्नू नेताहरुसँग हात मिलाएपछि पनि
हातबाट कुनै औँलो गायब भएको हुन सक्छ

२.
बैना गरेछन् र राजीखुसी राजिनामा लेखी दिएछन्
बोक्रामै रमाएछन् अरू बेकाम भनी फेँकी दिएछन्
अनमोल ठानी दिलको सोकेसमा सजाएँ जसलाई
उनैले आफैलाई कवाडको दरभाउमा बेची दिएछन् ।

३.
आफूलाई अरु भन्दा ठुलो नमान्दिनुस् कुरा मिल्छ
अरुको पनि अस्तित्व हुन्छ जान्दिनुस् कुरा मिल्छ
आगो अनमेलको सल्किने गर्छ घमण्ड अहङ्कारले
मान्छेलाई मान्छेभन्दा तल नठान्दिनुस् कुरा मिल्छ ।

०००
भैरहवा