नेपाली हास्यव्यङ्ग्य अनलाइन पत्रिका

गोपेन्द्रप्रसाद रिजाल :

१.
जनताको नाममा देश लुट्नेहरू पनि छन्
बुद्धको नाममा जनता भुट्नेहरू पनि छन्
यो विचित्रको चित्र भएको संसार साथी
देवीको पूजा गर्दै स्वास्नी कुट्नेहरू पनि छन् ।

२.
मान्छे आफू गोलि अरु खोका सम्झन्छ
आफुलाइ थुन्छे अरु डोका सम्झन्छ
अहङ्कारको भूत सवार भएपछि त
आफू हात्ती अनि अरु बोका सम्झन्छ ।

३.
फोक्सोले खकार फ्याँक्छ जीवन गन्धिमा हुन्छ
कमाइ धमाइ केही हुन्न गोजि मन्दिमा हुन्छ
उमेर घटे पछि साठी कटे पछि हजुर
किनेको निद्रा पनि किस्ता बन्दिमा हुन्छ ।

०००
मैतिदेवी, काठमाडौं