नेपाली हास्यव्यङ्ग्य अनलाइन पत्रिका

तीर्थराज अधिकारी :

१.
जब संस्कृति नष्ट भएको देख्नेछन्
कवि-लेखकले पानाभरि लेख्नेछन्
नेतृत्वनै कुमार्गीतर लाग्यो भने ?
दोबाटोमा भीजा हालेर छेक्नेछन् ।

२.
सदानीरा शुद्ध नदी हो उ कहिल्यै सुक्दैन
सुदृढ निश्चय बिना कोही लक्षमा पुग्दैन
सुमार्गको आप्रत्यक्ष तागत हो निर्भवता
अदम्य साहस छ उत्सव कदापि झुक्दैन ।

३.
समता र विषमता एउटै बालीमा राखेर फेट्दछ
स्वच्छ सुकिलो मनोभूमि बनाउनुको सट्टामा मेट्दछ
जसले जुन दृष्टि लगाउँछ त्यसैभित्र पाउने न हो
छिद्रदर्शीले त देवलोकमा पनि दोषमात्रै भेट्दछ।

४.
कहिले जुटेका छन कहिले फुटेका छन्
जनतालाई चिउरा कुटेभी कुटेका छन्
यो त खुला जबर्जस्ती भएन र हजुर ?
नादिर शाहले दिल्ली लुटेझैं लुटेका छन् ।

०००