रुद्र ज्ञवालीतीन ठोक्तक
आफै डुब्दो रहेछ मानिस अर्काले डुबाउँदो रहेनछ खुसीराजी कोही कसैले केही पनि लुटाउँदो रहेनछ हिँ हिँ गर्ने काम त मान्छेको भन्दा बढी घोडाको हो बढी गर्यो भने घोडैको हिँ हिँ पनि सुहाउँदो रहेनछ ।
रुद्र ज्ञवाली :
१.
यता निहत्था उता तरबारिया हैसियत मिलेन
यता फकिर र उता घरबारिया हैसियत मिलेन
भत्किएर ढले सपनाका महल भुइँचालो बिनै
यता भुइँमान्छे उता दरबारिया हैसियत मिलेन ।
२.
आफै डुब्दो रहेछ मानिस अर्काले डुबाउँदो रहेनछ
खुसीराजी कोही कसैले केही पनि लुटाउँदो रहेनछ
हिँ हिँ गर्ने काम त मान्छेको भन्दा बढी घोडाको हो
बढी गर्यो भने घोडैको हिँ हिँ पनि सुहाउँदो रहेनछ ।
३.
आफ्नो काम आफैँ गरूँ म कर्मयोगी बन्न सकुँ पुग्छ
काममा आउँ मान्छेका लागि सहयोगी बन्न सकुँ पुग्छ
तृष्णा सुनजस्तै महङ्गो बन्ने पालेको छँदै छैन जीवनमा
धातुमा फलाम खाद्यमा नुनझैँ उपयोगी बन्न सकुँ पुग्छ ।
०००
भैरहवा
Subscribe
Login
0 Comments
Oldest
