नेपाली हास्यव्यङ्ग्य अनलाइन पत्रिका

अमर सन्तति :

१.
आमालाई दार्दा पनि चूँ बोल्दैन ऊ
काख रित्तो पार्दा पनि चूँ बोल्दैन ऊ
छिमेकीले दिनदहाडै दादागिरी गरी-
स्वाभिमान झार्दा पनि चूँ बोल्दैन ऊ ।

२.
के के न भएझैँ गरी ठस्की नबस न यार
घायल मुटुमा धारिलो छुरा नधस न यार
म तिम्रै हूँ जुनीभर, खोस्न सक्छ र कसले ?
घरिघरी एउटै कुरामा नटोकस न यार ।

३.
अमृत फल्ने बोट मासी विष कसले फलाएको छ ?
घरिघरी तिम्रो त्यो कुर्सी कसले ढलाएको छ ?
नेतृत्वमा बस्नेहरू भनिदेउन आज मलाई,
मेरो देशमा सत्ताको चाबी कसले चलाएको छ ?

०००
रामेछाप, हाल काठमाडौं