नेपाली हास्यव्यङ्ग्य अनलाइन पत्रिका

मनोज खड्का मिलन :

१.
देखाउँंदै अनेक आश नमस्कार बाजे
तपाईं नै हो मेरो खास नमस्कार बाजे
अघिल्लो चुनाब जितेर मुखै देखाएनस
पख अर्कोचोटी भन्लास् नमस्कार बाजे

२.
कहिल्यै हुन्न घरमा बास कति भइसक्यो
समय र पैसाको नास कति भइसक्यो
तैपनी मलाई कसैले खेलाडी मान्दैनन
खेल्न थाल्या जुवातास कति भइसक्यो

३.
प्रदुषित हावा भेट्छ सास कसरी फेर्नु ??
कलम इतिहास मेट्छ सास कसरी फेर्नु ??
व्यवस्थाको भुँडी भर्ने सङ्कल्प पूरा गर्न
अवस्थाले घाँटी रेट्छ सास कसरी फेर्नु ??

०००
कैलाली