नेपाली हास्यव्यङ्ग्य अनलाइन पत्रिका

अमर सन्तति :

१.
आश्वासनमै ह्वार्र झर्ने भोट कस्तो ?
जति पाए नि अघि सर्ने नोट कस्तो ?
भनिदेऊ आज मेरो देशको नेतृत्वले
घरिघरी बदलिई रहने अठोट कस्तो ?

२.
मान्छेको नाता स्वार्थ र बैगुनसँग हुने रहेछ
सम्बन्ध गाढा शक्ति र भनसुनसँग हुने रहेछ
होशियार, खबरदार ए चोखो माया गर्नेहरू,
अचेल त माया पनि पैसा र सुनसँग हुने रहेछ ।

३.
फुटेका छन् दलहरु, चलेको छ भाइजात्रा
खेल मैदान बनाएर चलेको छ पराइजात्रा
स्वार्थी हाम्रो नेतृत्वले खेल्दा यहाँ फोहोरी खेल,
बाह्रै मास राजनीतिको चलेको छ गाईजात्रा ।

०००
रामेछाप, हाल काठमाडौं