अमर सन्ततितीन ठोक्तक
पञ्चेबाजा र नौमतीको मीठो मीठो धून होओस् दिनमा न्यानो घाम अनि रातमा शितल जून होओस् तिमी बेहुला मचाहिँ बेहुली बनी भित्रिदा मेरो राजा न जाडो न त गर्मी शरदको सुन्दर मनसुन होओस् ।
अमर सन्तति :
१.
इमान्दार सकाएर होला नाउँ रित्तिँदै गएको !
बेरोजगार हटाएर होला ठाउँ रित्तिँदै गएको !
मेरो देशको गणतन्त्र लटरम्म फुल्दै फल्दै-
सिंहदरबार पुर्याएर होला गाउँ रित्तिँदै गएको !
२.
सभ्यता, अस्तित्व सङ्कट पार्ने नै त हो
मानवीय मूल्य मान्यता तल झार्ने नै त हो
बनायौ किन बुद्धि र धनराशि खर्चेर हे मूर्ख ?
आखिर तिम्रा हतियारले मान्छे मार्ने नै त हो ।
३.
पञ्चेबाजा र नौमतीको मीठो मीठो धून होओस्
दिनमा न्यानो घाम अनि रातमा शितल जून होओस्
तिमी बेहुला मचाहिँ बेहुली बनी भित्रिदा मेरो राजा
न जाडो न त गर्मी शरदको सुन्दर मनसुन होओस् ।
०००
भक्तपुर
Subscribe
Login
0 Comments
Oldest
