नेपाली हास्यव्यङ्ग्य अनलाइन पत्रिका

अमर सन्तति :

१.
गरिबको घरबार ढलेको छ
सरिफको दरबार फलेको छ
विवेकशील मानव बस्तीमा,
हरिपको तरबार चलेको छ ।

२.
जनता ढाट्ने देश लुट्ने कोठरीमा जाक्नुपर्छ
देशघाती भ्रष्टाचारी सबै ठेगान लाग्नुपर्छ
नाघिसक्यो अन्याय र अत्याचारले सीमा पनि,
यो देशको हितनिम्ति अब जनता जाग्नुपर्छ ।

३.
जन जनका घर आँगनमा चाडबाडले छोएको छ
बाढीको वितण्डाले तराई हिमाल पहाड रोएको छ
घरिघरी निदाउँदै र अट्टहास हाँसोको फोहोरा छोड्दै ,
पीडितका आँसु थापी सत्ताले हात पाउ धोएको छ ।

०००
भक्तपुर