नेपाली हास्यव्यङ्ग्य अनलाइन पत्रिका

दीपक सुवेदी :

१. नेता
संयमित आचरण नभएका दुराचारी हुन् नेता
जति खाए पनि उस्तै मङ्सिरे भकारी हुन् नेता
समृद्धिका सपना बाँड्दै भिक्षा माग्दै हिँड्ने
ढुुङ्ग्रामा हालेको पुुच्छरझैँ भ्रष्टचारी हुन् नेता ।

२. समाजसेवी
अरूको प्रगतिमा आफ्नै आँगन खन्नेहरू
बगलीमा छुरा बोकी मुखले राम भन्नेहरू
हिजोआज पनि देख्दा उदेक लाग्छ हजुर
छेपारालेझै“ रूप फेरेर समाजसेवी बन्नेहरू ।

३. नुन
ल्हासालाई खासा बनाउने सुन नै त हो
छहराको आवाज पनि धुन नै त हो
बेला मौका बिचारेर हिरा फोर्ने मान्छे
आफ्नो बनाउन खुवाउने नुन नै त हो ।

४. हुल
सम्बन्धको घराना कसैले कुल बनाउँछन्
लक्ष्यमा पुुग्न फट्के कसैले पुल बनाउँछन्
कागले कान लग्यो भन्दा छाम्दै नछामी
कागकै पछि कुद्ने कसै कसैले हुल बनाउँछन् ।

०००
गौरादह, झापा