नेपाली हास्यव्यङ्ग्य अनलाइन पत्रिका

रुद्र ज्ञवाली :

१.
कहाँबाट धर्तीमा कसरी आउँछ थाहै भएन
कार्यादेश दिएर कसले पठाउँछ थाहै भएन
करार सेवाको जागिरझैँ रहेछ जिन्दगी भन्नू
म्याद पुगेपछि खै कहाँ विलाउँछ थाहै भएन ।

२.
जसरी बिना प्रयोजन वस्तु या कण बनेका हुदैनन्
महत्त्वका छन् वेअर्थमा कुनै क्षण बनेका हुदैनन्
आफैँलाई कसरी मुल्याङ्कन गर्ने तपाईँकै जिम्मा
सृष्टिका कुनै पनि सिर्जना अकारण बनेका हुँदैनन् ।

३.
बसाई सराई सरिरहेका मान्छे यहाँ कति छन कति
उठ्न खोज्दा झरिरहेका मान्छे यहाँ कति छन् कति
कहाँ सजिलो छ र मान्छेले मान्छे भएर बाँच्न यहाँ
मृत्यु बिना नै मरिरहेका मान्छे यहाँ कति छन् कति ।

०००
भैरहवा