नेपाली हास्यव्यङ्ग्य अनलाइन पत्रिका

रुद्र ज्ञवाली :

१.
न त गल्लीले चिन्छ न गाउँको डहरले चिन्छ
न नजीरले चिन्छ न फैसलाको ठहरले चिन्छ
म नगरभित्रको एउटा यस्तो बेनजीर मान्छे हुँ
झुट्टा फुर्ति नदेखाउनेलाई न यो सहरले चिन्छ ।

२.
कसैले फूल चढाउँछन् कसैले फेंक्छन् र जान्छन्
कसैले माथा त कसैले जुत्ताले टेक्छ्न् र जान्छन्
दन्किरहेको एक भट्टी रहेछ बाबूको अस्तित्व भन्नू
तन्दुरीजस्तै स्वार्थ आ-आफ्ना सेक्छन् र जान्छन् ।

३.
लक्ष्य गन्तव्य अथवा समय तालिका तारिख बिना
बार, छेकवार,प्रतिबन्ध निगाह कसैको डिग बिना
पराधीन, गुलाम, दास या आस्रित कतै नबनेर तैंले
बाँच्नुछ जीवन पौरखमा कृपा कसैको भिक बिना ।

०००
भैरहवा