नेपाली हास्यव्यङ्ग्य अनलाइन पत्रिका

तेजविलास अधिकारी :

१) देश मेरो
ठग, भ्रष्ट बोलेर कहिल्यै नथाक्ने देश मेरो
श्रमिक, किसान श्रमले उँभो नलाग्ने देश मेरो
कानुन बनाउने नै टेक्छन् दफा उपदफा यहाँ
न्यायमूर्ति पनि निरीह निरीह लाग्ने देश मेरो ।

२) हामी
मोल लाखको हुने गर्छ हजारमा बेचिन्छौं हामी
कुरा काखको हुने गर्छ बजारमा बेचिन्छौं हामी
यति धेरै विशेषता छ कि हाम्रो विश्वका सामू
अथाह शान्ति र मैत्री बजारमा किचिन्छौं हामी ।

३) अब
भ्यूटावर बन्यो भन्छन् गरिवी हेर्न जाऔं अब
खेत खेतमा घर बन्यो बेसाएर खाऔं अब
भर्खरै सकियो माग्ने भेलाको उद्घाटन सत्र
सम्झौता ऋण लिने, सहायता हो भनौं अब ।

०००
इच्छाकामना-३, चितवन ।