रुद्र ज्ञवालीचार ठाेक्तक
भो पुग्यो कुनै विवाद र प्रतिवाद नगरी दिनुस् उहाँलाई आफ्नै विरासत पनि अब भारी हुँदैछ ।
रूद्र ज्ञवाली :
१.
आकाशतिर फर्केर थुक्नेहरूले थुक्दै रहन्छन्
ठाडा शिर उठ्छन् झुक्नेहरू झुक्दै रहन्छन्
नरोकेर यात्रा जारी राख्नुस् पुग्नुस् शिखरमा
भुक्नैका लागि खटेका छाउरा भुक्दै रहन्छन् ।
२.
आफ्नै सनदले आफैँलाई मूलपुरोहित दरेपछि
मन्द्राएको बहरसरि गर्नु नगर्नु उपद्रो गरेपछि
झुसिल्किरा पो रुपान्तरण गर्छ कुमालकोटीले
हायलकायल हुन्छ बच्छिउँको अगाडि परेपछि ।
३.
वैलाएर सडी जाने फूल नमेटिने चिनो हुँदैन
मनको परिधि कहिल्यै मोटो या मसिनो हुँदैन
आफ्नाझैँ लाग्ने गर्छन् कुनै अनजान पनि तर
हक जनाउने कुनै सम्बन्ध तथा साइनो हुँदैन ।
४.
चुहियो कि फुट्यो खै गाग्री पनि झारी हुँदैछ
लाग्दैछ क्रमश रित्तो पाखण्डको भकारी हुँदैछ
भो पुग्यो कुनै विवाद र प्रतिवाद नगरी दिनुस्
उहाँलाई आफ्नै विरासत पनि अब भारी हुँदैछ ।
०००
भैरहवा
Subscribe
Login
0 Comments
Oldest
