नेपाली हास्यव्यङ्ग्य अनलाइन पत्रिका

अमर सन्तति :

१.
अभिमानको पत्ता चढाएर गयौ
बेइमानको भत्ता बढाएर गयौ
म गाली गरूँ कि या गरूँ प्रशंसा,
स्वाभिमानको सत्ता लडाएर गयौ ।

२.
तपाईँ राम्रो हुनुहुन्छ, मचाँहि चस्को हुँ
तपाईँ चाम्रो हुनुहुन्छ, मचाँहि फस्को हुँ
बुझ्नै कठिन भो हजुर आफ्नै परिचय,
तपाईँ हाम्रो हुनुहुन्छ, मचाँहि कसको हुँ ।

३.
अन्त आँखा चिम्लिएर ढुकुटीको कोष देख्छ
औल्याउनै हुन्न गल्ती रिस राग रोष देख्छ
आफ्नो आङमा हात्ती नदेखी अरुमा जुम्रा देखेझैँ,
आफ्ना हजार गल्ती छोपी अर्काको दोष देख्छ ।

०००
भक्तपुर