नेपाली हास्यव्यङ्ग्य अनलाइन पत्रिका

अमर सन्तति :

१.
गोठको मालिक दाइ बनेपछि
ढुकुटी दुहुनो गाई बनेपछि
भन अब कसले के नै गर्न सक्ला !
साक्षी किनाराको भाइ बनेपछि ।

२.
स्वाभिमान लम्पसार भएको छ
इमान मान कालो बजार भएको छ
मुखियाहरु सत्ताको कौडा खेल्छन् ,
इज्जत शान नाङ्गेझार भएको छ ।

३.
खोक्रो भाषणले टाउको घुमाएर हो कि !
चुनावमा खोटी सिक्का चुमाएर हो कि !
देशको हालत यतिसम्म पुर्याउनुमा कतै –
घरिघरी हामीले नै विवेक गुमाएर हो कि !

०००
भक्तपुर