अमर सन्ततितीन ठाेक्तक
भित्री मनले जोखी हेर्नु मान्छेको औकातलाई, स्वार्थको तराजुमा बदलाव हुन्छन् मान्छेहरु।
अमर सन्तति :
१.
उठेकालाई लडाउन एकता गर्छ
मरेकालाई उठाउन एकता गर्छ
कस्तो गज्जबको मान्छेको जात !
एकतालाई फुटाउन एकता गर्छ ।
२.
विरोधीलाई जति घोचे पनि भयो
देशको ढुकुटी जति कोचे पनि भयो
आफ्नै हातमा सत्ता शक्ति कानुन छ,
चाहेको गर्न जे जति सोचे पनि भयो ।
३.
देख्दा राम्रा, व्यवहारमा खराब हुन्छ्न् मान्छेहरु
छुँदा नलाग्ने, पिउँदामा सराव हुन्छन् मान्छेहरु
भित्री मनले जोखी हेर्नु मान्छेको औकातलाई,
स्वार्थको तराजुमा बदलाव हुन्छन् मान्छेहरु।
०००
भक्तपुर
Subscribe
Login
0 Comments
Oldest
