नेपाली हास्यव्यङ्ग्य अनलाइन पत्रिका

सुरेशकुमार पाण्डे :

” धिक्कार छ देश कङ्गाल भयो अरे !”- जुलुशलाई नियाल्दै मुर्खमणिले भन्यो।
“के भन्न खोजेको यस्तो ?”- नजिकै उभिएको ताराप्रसादले सोध्यो।

“हेर त टाइ बेल्ट अनि उनीहरूको रङढङ कतैबाट पनि केही कमि देखिंदैन। मुर्खमणीले भन्यो।
“अँझ बाजागाजा पनि छ।” – उसैले थप्यो।
“साँच्चै भन्नुभयो यो जुलुसलाई हेर्दा त देशले आर्थिकमा धेरै फड्को मारेको देखिन्छ। होइन यत्रो खर्च गर्ने पैसा कहाँबाट आएको होला यिनीहरू सँग ?”- ताराप्रसादले आश्चर्य हुँदै बुझ्न खोज्यो।

“खै ट्रमले दिन बन्द गर्यो भन्ने खबर पो झुट हो कि ?”- मुर्खमणिले अड्कल काड्यो।
“त्यसो नभन भाइ हामीहरू तिमीहरू जस्तो कङ्गाल छैनौँ। आर्थिकमा हाम्रो एउटा नेता तिमीहरूको सय जना बराबरको छन्। झण्डा पो रातो छ भित्र त हरियो भरियो छ। “-यतिवेर कुरा सुनिरहेको बिर्खुले जुँगा मुसार्दै भन्यो।

“तिमरको कतै सरकारी घोटालामा त छैन हात ?”- मुर्खमणिले प्याच भन्यो।

०००
घोराही- १८, दाङ