नेपाली हास्यव्यङ्ग्य अनलाइन पत्रिका

सुरेशकुमार पाण्डे :

“म भ्रष्टाचार सहन सक्दैन ।”- हुमलालले सबैलाई थर्कमान पारे। त्यहाँ बसेका मध्य धेरै सिर झुकाएर बसेकाथिए ।

“सर भ्रष्टाचार कसैले सहन सक्दैन । समाजबाट ,राजनीतिबाट जरैबाट भ्रष्टाचारको नामोनिसान सक्नुपर्छ !- विन्दाशले पनि हुमलालको कुरामा थप सहयोग गर्यो।

“तर हामीले यसलाई भनेर मात्र होइन यसको सतहमा पुगेर मात्र भ्रष्टाचार बिरूद्धको अभियानमा सफल हुनसक्छौँ।”- हुमलालले आफ्नो विचार अलिक शान्त स्वरमा राखे।

“त्यसको लागि कसैलाई पनि छाड्नु हुँदैन ।आजैबाट त्यो अभियानमा लाग्ने छौँ।”-विन्दासले आसवासन दियो।” पहिलो चरणको कार्य नतिजाको केकस्तो छ समाजमा प्रतिकृया ? “-हुमलालले बुझ्न खोज्यो।

“सर मिश्रृत देखिन्छ तर धेरैजसोको भने रूवाबास छ। ठाउँ ठाउँमा नारा जुलुसहरू छन् तर पनि काम सकुसल सफल भएको हाम्रा नजिकका पत्रिकाहरूमा आएका छन्।”- विन्दाशले जानकारी गरायो।

“ती नारा जुलुस गर्नेहरू अन्य बिरोधी दलका नेताहरूको रोइलो हो त्यसलाई सुन्नु भएन सबै प्रकृया नपुगेका महल, टहरा सबै भत्काउनु पर्छ।”-हुमलालले फेरि पनि जोड दिएर भन्यो।

उनीहरूको बिच संवाद चलिरहेकै बेला फोनको घन्टी बज्यो।
“सर ! हामी आएको बस्तिमा त धेरैजसो हाम्रै पार्टीका नेताहरूको प्रकृया नपुराएर ठडाएका महलहरू छन् ।हजुरको आदेश अनुसार अगाडी बढौंला सर !”- फोनमा नेता हुमलालको सल्लाहकार बोल्यो।

“सुन त ! त्यसो भए अहिले त्यहाँबाट फिर्ता बोलाउ कुनै बहाना बनाएर ।”- हुमलालले टिमलाई फिर्ता बोलायो।

“ए.ए. कुरा बुझियो।”- विन्दासले मनमनै भन्यो र बाहिर निस्कियो।

००० 
दाङ घोराही १८
२४-०१-२०८३ (०७-०५-२०२६)