नेपाली हास्यव्यङ्ग्य अनलाइन पत्रिका

अमर सन्तति :

१.
बेला मौका हेरेर लट्पटाउने गर्छन्
अँध्यारो हेरेर भट्भटाउनेहरू गर्छन्
रुचाउँदैनन् उज्यालो, अँध्यारा मान्छेहरूले,
बरु उज्यालो हेरेर छट्पटाउने गर्छन् ।

२.
सरिफले धनको लागि जे पनि भन्छ यहाँ
गरिबले पेटको लागि जे पनि सहन्छ यहाँ
भरोसा, विश्वास हराएको यो बस्तीमा अचेल
हरिपले स्वार्थको लागि जे पनि कहन्छ यहाँ ।

३.
मजदुरको काँध चढी सिंहासन सरेको पनि देखियो
मजदुरकै दु:खको घडी रासन हरेको पनि देखियो
गुटुउपगुटमा विभाजित विभिन्न मजदुर भेलालाई,
एकता, अधिकारको बढी भाषण गरेको पनि देखियो ।

०००
भक्तपुर