नेपाली हास्यव्यङ्ग्य अनलाइन पत्रिका

अमर सन्तति :

१.
बिरोधको स्वर उर्लिने तिम्रै कारण हो
सदन -सडक कुर्लिने तिम्रै कारण हो
न त चल्यौ सिद्धान्तमा, न त गर्यौ सुकाम ,
प्रतिक्रान्तिहरू ओर्लिने तिम्रै कारण हो ।

२.
जून पनि दुई थरी छन् कृष्ण र शुक्लपक्षको
सुन पनि दुई थरी छन् मालिक र श्रमिकपक्षको
कठै यो विचित्र र बिरक्त लाग्दो मेरो देशमा
कानुन पनि दुई थरी छन् सत्ता र प्रतिपक्षको ।

३.
बस्न झिझो स्वदेश मान्छन् ,सोधिदेउन सरकार
कस्तो शिक्षा ठान्छन्, सोधिदेउन सरकार
स्वर्गतूल्य यति सुन्दर यो देशको माया मारी
युवा किन विदेश जान्छन् ? सोधिदेउन सरकार ।

०००
भक्तपुर