नेपाली हास्यव्यङ्ग्य अनलाइन पत्रिका

अमर सन्तति :

१.
खुफिया माफियाहरू भेटेर पुगेन
रगत पसिनाले प्यास मेटेर पुगेन
भन्नुस् महासय, अब के टक्र्याऊँ ?
आफ्नै मातृभुमिको गला रेटेर पुगेन ।

२.
सत्ताशक्ति पैसालाई सधैँ खास ठान्नेहरू
राम्रो गर्न खोज्नेलाई बदमास ठान्नेहरू
खबरदार ! राख्नेछ समयले हिसाबकिताब ,
शक्तिशाली जनतालाई सधैँ दास ठान्नेहरू ।

३.
आफैँ भान्छे हुँदा पेटमा लूँदा थपेको त हो नि
अघिल्लोलाई जोड दिन फूँदा थपेको त हो नि
के बिराएँ मैँले ? यति जाबो कुरामा किन बबण्डर ?
आफ्नो कलम हुँदा एउटा बूँदा थपेको त हो नि ।

०००
भक्तपुर