नेपाली हास्यव्यङ्ग्य अनलाइन पत्रिका

अमर सन्तति :

१.
फल नमिठा टर्रा उस्तै, खल्ला उस्तै छन्
बजारका साहु उस्तै, गल्ला उस्तै छन्
कहिले होला सुधार यहाँ बल्ला मनको दियो ?
घरघरमा माउ, उस्तै चल्ला उस्तै छन् ।

२.
कतै कुलो पैनी छैन, कतै बिउ बिजन छैन
चाहिने बेला मलखाद छैन, कतै रौनक जीवन छैन
कृषिप्रधान देश मेरो, बँझिदैछ खेतबारी ,
बस्ने वातावरण, नीति छैन, कतै युवा जन छैन ।

३.
खाई तलब, भत्ता झनै घुस गन्ने रित्ता लाचारी धेरै छन्
हुन् सेवक तर पनि मालिक बन्ने सदाचारी धेरै छन्
छैन भानु फेरिएको रीत त्यो उस्तै नै छ हाल देशको ,
आज पनि भोलि भोलि भन्ने डिट्ठा-बिचारी धेरै छन् ।

०००
भक्तपुर