नेपाली हास्यव्यङ्ग्य अनलाइन पत्रिका

अमर सन्तति :

गर्नु बिगार बर्खे भेल पानीले पो गर्छ
नानीदेखि लागेको त्यो बानीले पो गर्छ
जसको छ चर्चा,चलखेल, खेलोफड्को,
जे गर्दछ अचेल कान्छी नानीले पो गर्छ ।

२.
जो छ श्रमजिवी, उही पाउँदैन बनी यहाँ
जो पसिना बगाउँछ, उही भोको पनि यहाँ
कहिले अन्त्य होला बिडम्बना विकृतिको ?
जो गर्दैन काम केही, छ उही धनी यहाँ ।

३.
प्राणीमध्ये कति पक्षपाती हुन्छन् मान्छेहरु
स्वार्थ पुरा नहुन्जेल जाती हुन्छन् मान्छेहरु
बुझ्न सक्दै नसकिने रहस्यको पोको जस्तो ,
मौका पर्दा डसिहाल्छन् ,घाती हुन्छ मान्छेहरु ।

०००
भक्तपुर