नेपाली हास्यव्यङ्ग्य अनलाइन पत्रिका

अमर सन्तति :

१.
हामी चाहान्छौँ शान्ति, खेल्छ अर्कैले
हामी पर्दछौँ भ्रान्ति, खेल्छ अर्कैले
वीर भएर पनि अलि बुद्धु पो छौँ कि !
हामी गर्दछौँ क्रान्ति, खेल्छ अर्कैले ।

२.
कहिल्यै फुल्दै नफुल्ने फुलेको उन्युँ देखियो
लोभीपापीको हातको डाडुपुन्युँ देखियो
वर्षौँदेखि जनताको रगत -पसिना चुसेर-
घरघरमा लुकाएको पैसाको कुन्युँ देखियो ।

३.
कोही पीडाको घाउ धैर्यताको मलमले लट्ट्याउदैछन्
कोही फेरि उठ्नेछौ भन्दै चर्को स्वरमा भट्टयाउदैछन्
जम्मा भई भीडहरू जलेका घरको खण्डहरतिर
कोही उता केही पाउने आसमा खरानी कोट्टयाउदैछन् ।

०००
भक्तपुर