नेपाली हास्यव्यङ्ग्य अनलाइन पत्रिका

अमर सन्तति :

१.
नानीदेखि चलेको संस्कार देखियो
अझै नढलेको अहङ्कार देखियो
दम्भले बुद्धिको बिर्को बन्द गरेपछि
अहंतामा फलेको हुङ्कार देखियो ।

२.
कसले बनाउछ र कसले ढलाउछ ?
कसले उचाल्छ र कसले गलाउछ ?
मेरो देशको सत्ताको तालाचाबीलाई –
कसले खेलाउछ र कसले चलाउछ ?

३.
छि कुकर्ममा कति हो आँट्न जानेको
फजुल कुरा कति हो छाँट्न जानेको
बेइमानी छ, साख्य बन्छ जता पनि ऊ
अहो ! हेर कतिकति हो ढाँट्न जानेको।

०००
भक्तपुर