नेपाली हास्यव्यङ्ग्य अनलाइन पत्रिका

अमर सन्तति :

१.
जसको कारण रगत बग्यो, छैन पश्चात्ताप
अलिकति पनि लाज सरम मान्ने हैन पाप
उही नै अझै फलाक्दैछन् राष्ट्रवादको नारा,
थाहा छैन ? भिजेपछि खरानीमा रहँदैन ताप ।

२.
आफ्नै कारण विरोधीको लर्को तान्दैछन्
बेसुरमा अपशब्द लेखी धर्को तान्दैछन्
देखिँदैनन् उज्यालोमा,आउँदैनन् भीडमा नि,
अँध्यारोमा बसेर एक्लै सर्को तान्दैछन् ।

३.
जताततै पापी दुष्टहरुको रजाइँ भएको छ
सज्जन दण्डित र चोरको कजाइँ भएको छ
छाडा छन् साँढेहरू, अलमलमा छन् गोठाला नै,
अचेल यहाँ मियोबिनाको दाइँ भएको छ ।

०००
भक्तपुर