नेपाली हास्यव्यङ्ग्य अनलाइन पत्रिका

अमर सन्तति :

१.
आलै छ अझै नै त्यो कहानी नसम्झ
त्यो बलिदानीलाई खरानी नसम्झ
यो देशकै लागि हो आहुति दिएको ,
नवयुवाको रगतलाई पानी नसम्झ ।

२.
आफ्नै बुद्धिविवेक आफैँ भुट्दै पो छन्
देश भयो कङ्गाल अझै लुट्दै पो छन्
देखिएन फरक केही नयाँ – पुरानामा ,
यो हो जुट्ने बेला झनै फुट्दै पो छन् ।

३.
अचेलको मान्छे हेर त साथी कति छ लाचार
हराइसक्यो इमान जमान धुमिल छ आचार
जस्तो गुरु उस्तै चेला भन्थे ती हाम्रा पूर्वजले ,
दुनियाँ नै बेइमानी छ कहाँ मिल्ने छ सदाचार ?

०००
भक्तपुर