नेपाली हास्यव्यङ्ग्य अनलाइन पत्रिका

अमर सन्तति :

१.
सुन्दर छन् कि कुरुप हेर्नै बाँकी छ
बादशाह हुन् कि तुरुप हेर्नै बाँकी छ
जम्जमाउँदै उठेका नयाँहरुको पनि –
कस्तो छ असली रुप हेर्नै बाँकी छ ।

२.
अहङ्कार र दम्भले झुक्न जान्दैनन् उनीहरु
कसैको साहाराबिना उठ्न जान्दैनन् उनीहरु
फुट्न त सजिलै फुटिदिन्छन् माटोको भाँडोझैँ ,
आफ्नै ज्ञानले फेरि जुट्न जान्दैनन् उनीहरु ।

३.
आपसका सम्बन्ध पनि नयाँ पुराना हुन्छन् यहाँ
नजिकका भनिने आफ्ना पनि बिराना हुन्छन् यहाँ
नपत्याए दुनियाँ चियाएर मज्जाले हेर्नुस् त हजुर ,
टुप्पाबाट पलाएकाहरू पनि घराना हुन्छन् यहाँ ।

०००
भक्तपुर