नेपाली हास्यव्यङ्ग्य अनलाइन पत्रिका

अमर सन्तति :

१.
रक्तरञ्जित अनुहार पनि चुनावमा छन्
भ्रष्ट दण्डित अनुहार पनि चुनावमा छन्
कसलाई चुन्ने थाहा छैन दोधारमा छु म त,
नयाँ खण्डित अनुहार पनि चुनावमा छन् ।

२.
चुम्बकले झैँ तानी हाल्ने के रहेछ त्यस्तो ?
अजम्बरी हो नै ठानी हाल्ने के रहेछ त्यस्तो ?
के बुझ्नु खै ती बिचरा जनताले यो राजनीति !
जसले नि फालै हानी हाल्ने के रहेछ त्यस्तो ?

३.
शहीदहरूले त सुन्दर सपना देखेका थिए नेताहरुले तुहाइदिए
शहीदहरुले बलिदान दिएका थिए मूल्यहीन नेताहरुले बनाइदिए
यो देशमा विकास सुशासन समृद्धि अनि देशको स्वाभिमान र गरिमा-
शहीदहरुले हाताहाती मागेका थिए उधारोमा नेताहरुले खाइदिए ।

०००
भक्तपुर