नेपाली हास्यव्यङ्ग्य अनलाइन पत्रिका

अमर सन्तति

१.
कति त त्यही कुरुप चोला बोकेर
लगाई लावा लस्कर डोला बोकेर
लाजै पचाई मत माग्न घर आँगनीमा
आउँदैछन् फेरि रित्तो झोला बोकेर ।

२.
देखाउने र चपाउने दाह्रा लिएर आउनेछन्
बाहिर बाहिर साधु पारा लिएर आउनेछन्
सबैले सचेत र विवेकी हुने बेला आयो अब ,
सुशासनको मीठो नारा लिएर आउनेछन् ।

३.
उहाँका नै छन् लोकप्रिय नारा ठिक घोक्न बेर लाइँदैन
दिनुहुन्छ कति मीठो आहारा अधिक धोक्न बेर लाइँदैन
हिजोसम्म ठोकेकै हो सम्झिएर महान भोलि पनि उहाँ नै
ठानेर आफ्नो जीवन सहारा स्वस्तिक ठोक्न बेर लाइँदैन ।

०००
भक्तपुर