भरत आचार्यबुढ्यौली गजल
एकान्त हुन्छ साथी भित्ता नियाल्नु पर्दा उस्तै गएर छायाँ देखिन्छ त्यै मजाले ।
भरत आचार्य :
आफ्नो भनेर बाले जस्तो बुझे सँमाले ।
झुठ्ठा रहेछ सारा संसार बुझ्न थाले ॥
छोरा जहान भन्दा प्यारो थिएन केही
एक्लो भयो बुढ्यौली भन्छन् दुखी छु बाले ।
भन्दा निको नहोला भोग्दा मिठो हुँदैन
मेटिन्न दुःख पीडा दौलत कुनै नशाले ।
एकान्त हुन्छ साथी भित्ता नियाल्नु पर्दा
उस्तै गएर छायाँ देखिन्छ त्यै मजाले ।
पर्खेर काल आफ्नो गर्छन् पुकार जैल्यै
यौटै रहेछ बाटो लैजा न कृष्ण काले ।
०००
पोखरा, कास्की
मनै छोयो ,पर्खेरकाल गर्छन पुकार जैले…
उफ!
क्या बेदना!!