नेपाली हास्यव्यङ्ग्य अनलाइन पत्रिका

आर.सी रिजाल :

नाति — हजुरबा ! मान्छेहरु पाप पखाल्न भनेर गंगाजीमा जान्छन् । बाहिर शरीरमा त मयलमात्र देखिन्छ। पाप मयलमा टाँसिएको हुन्छ र नुहाउदा पखालिन्छ ?.

हजुरबा — पाप भनेको मनभित्रको मयल हो। सफा मनमा यसले बास पाउँदैन।यदि तिर्थ गएर गंगा स्नानले पाप पखालिने हो भने सफा हृदय भएकाहरुको मात्र पखालिएला कि ? कालो मन हुनेको पाप पखाल्न त गंगालाई नै पाप लाग्ने हुँदा पखाल्दिनन्।

नाति — हजुरबा ! अनि कालो मन हुनेको पाप कुन तिर्थको कुन नदिमा गएर कसरी पखालिन्छ त ? पाप मोचन हुनपाउने उनीहरुको पनि अधिकार होला ?

हजुरबा — नातिलाई आफूतिर तान्दै कानमा फुसफुसाउँछ्न् — हेर यो कुरा अरुलाई नसुनाउनु । कालो मन हुनेलाई कुनै गंगाधाम धाउन पर्दैन। उनीहरुलाई आफ्नै देशको अदालतले पखालिदिन्छ।

०००
हेटाैँडा, मकवानपुर