लफडाष्टक
लफडाष्टक
१
सामन्तका छोराछोरी आन्दोलने भए
नेपालमा यस्तो बिघ्न अचम्म भो कैले ?
२
’अराष्ट्रिय तत्व’ भन्ने मण्डले नै चम्के !
आन्दोलन जति हओस् ! होक्काँ उनै गर्ने !
३
यो पल्ट त ठूलै होक्काँ ‘ग्वाँआँ ग्वाँआँ ! भयो !
भएथ्यो नि ! सुम्सुम्याउने कागे नेता भयो !
४
लोकतन्त्रे कुरा गर्ने सातदले चुप्प !
सत्ता-कुर्सी भेटेपछि फुलेका छन् हुप्प !
५
पुरस्कार पड्काउन ! कुर्सी चड्काउन !
लागेका छन् ! लागेका छन् ! जुका चुस्न !
६
घोक्रेछुत्ती लाग्दाखेरि आन्दोलने बन्ने !
कुर्सी-पद पछिपछि आन्दोलनै मास्ने ।
७
हड्ताल ! दुधभात ! घूस मामुली भो !
अराजक थिति पार्न सरकारै लाग्यो !
८
‘अब तेस्रो आन्दोलन !’ भुँडी बोकेको छ !
तुहाउन चङ्खेवर्ग जाँड लागेको छ !
झर्रो नेपाली घर,
चन्द्रगढी, झापा
‘फित्कौली’ अङ्क ११, फागुन, २०६३