राजेन्द्र तारकिणीलामबद्ध देश
चुनाव आउँदा भोटको लाम अड्डा अदालततिर दलालको लाम अस्पतालमा बिरामीको लाम उता घाटमा पनि लासहरूको लाम ।
राजेन्द्र तारकिणी :
देश हेर्यो,
कतै नुनको लाइनमा
कतै चिनीको लाइनमा
कतै चामलको लाइनमा ।
दशैँ आयो,
कतै टिकटको लाइनमा
कतै नयाँ नोटको लाइनमा
कतै खसीबोकाको लाइनमा ।
दशैँ गयो,
कतै पासपोर्टको लाइनमा
कतै लोकसेवाको लाइनमा
कतै विमानस्थलको लाइनमा ।
चुनाव आउँदा भोटको लाम
अड्डा अदालततिर दलालको लाम
अस्पतालमा बिरामीको लाम
उता घाटमा पनि लासहरूको लाम ।
आखिर देश त लामबद्ध छ
जतिखेर पनि, जता पनि यो
देश नबन्ने लाइनमा छ ।
०००
Subscribe
Login
0 Comments
Oldest
