नेपाली हास्यव्यङ्ग्य अनलाइन पत्रिका

काशीनाथ मिश्रित :

ए नेता हो ! जुवा खेल देश राखेर खालमा ।
जनता जिउँछन् नित्य भोक खाएर थालमा ॥

औषधी रोगको छैन यौटा गोली सिटामुल ।
तिमी आनन्दका साथ कुर्चिमा दिउँसै झुल ॥

च्याँखे थाप न या देश कल्लाई अब चहियो ?
विदेशीको इशारामा नाच्छौं भन्छौ नचाइयो ॥

आज दोस्रो ठुलो पर्व सम्झ भाइतिहार हो ।
जाबो देश त के हो र ? जुवामै सब हार भो ॥

गर्छौं भनेर डुक्रन्छौ गर्‍यौ खै के कसो कहाँ ?
देशको हाल यो यस्तो ऐलेसम्म रह्यो यहाँ ॥

लगायौ पटकामाथि प्रतिबन्धअमैm ठुलो ।
तिम्रो बन्दुकको गोली मान्यौ सडकको धुलो ॥

जनता क्यै नबोलेर बोल जे जे यसै तिमी ।
तिहार पर्वमा हार देश के हो र मामुली ॥

बरु श्रीमतीको हार देश हार मुहारमा ।
जनताले सधै देखून् जुँगा त्यो अनुहारमा ॥

०००

थाेर्गा, गुल्मी