काशीनाथ मिश्रितपर जा तन्त्र
शहीदको रगतले सरापेर हो कि? सज्जनलाई आँखा तर्ने पर जा तन्त्र । कली युगको महाभारत बनेछस् कि तँ !! द्रौपदीको चीर हर्ने पर जा तन्त्र ॥
काशीनाथ मिश्रित :
जनतामाथि घात गर्ने पर जा तन्त्र !
भ्रमको मात्रै बिउ छर्ने पर जा तन्त्र !!
पाप पुण्य पैल्याउने कामै गरेनस् !
पराइको पाउ पर्ने पर जा तन्त्र ।
जनता मरे भोकभोकै ख्याल गरेको खै ?
आफ्नै मात्र भुँडी भर्ने पर जा तन्त्र ।
माथि माथि जाला भन्ने आशा गरेको त!
गिर्दै तल तल झर्ने पर जा तन्त्र ।
मरे के भो? बाँचे के भो??मतलब भएन !
बाँचे पनि ज्युँदै मर्ने पर जा तन्त्र ।
शहीदको रगतले सरापेर हो कि ?
सज्जनलाई आँखा तर्ने पर जा तन्त्र ।
कली युगको महाभारत बनेछस् कि तँ !!
द्रौपदीको चीर हर्ने पर जा तन्त्र ॥
०००
गुल्मी
२०८२ फागुन ७ गते
Subscribe
Login
0 Comments
Oldest
