साइबर अपराध सम्बन्धी सचेतना सामग्री

म पनि एउटा सिसिफस

म अघाएको छु देखेर जीवनको परिधि म निस्ताएको छु थाकेर जीवनको दौडमा कति कुद्नु नपुगिने लक्ष बुझेपछि र त आजकल समेटिरहेछु छरपस्ट जिन्दगीलाई ।

Nepal Telecom ad

सुरेन्द्र लिम्बू ‘परदेशी’

म पनि अल्बर्ट कामुको सिसिफसजस्तै
एक ढाकर आशाको भारी बोकेर
उत्तरसन्तुष्टिको चुचुरो चुम्नलाई
जीवनको कठिन उकालो चढिरहेको छु ।

गाडेर विचारको मूल थाम
बनाइरहेको छु एउटा विचारको कटेरो
प्रताडित बनेर जिज्ञासाको कोलाहलले
चढिरहेको छु
आफ्नै संवेदनाको धुरीमा ।

सधैं चढ्न चाहने मानवीय प्रवृत्ति
सधैं बढ्न चाहने सबैको होडबाजी
भुलेर आफूलाई अज्ञात उचाइको होडमा
मान्छे अज्ञातअज्ञात
बाँचिरहेका छन् ।

जीवनदेखि खाली हात
फर्कनेहरूको लाइनमा
म पनि त एउटा प्रतिबिम्ब
उभिएको छु

यद्यपि
मलाई नै किन थाहा नभएको होला
म पनि रित्तै फर्किरहेको छु भन्ने कुरा ?

मेरा आग्रही अभीप्साका रोपाहारहरू
अतृप्त उपलब्धिको उष्ण रोपाइँमा
आजकल हली बाउसे आफैं गर्छन्
र
विस्थापित गर्छन् आफ्नै अस्तित्व ।

अगति समयलाई गति दिन
म जीवनसँग द्रुतगतिमा दौडिएको हो
तर आज गतिशील समयकै
पिछा छाड्न मैले आफ्नै हातको
घडी फालेको छु ।

म अघाएको छु
देखेर जीवनको परिधि
म निस्ताएको छु
थाकेर जीवनको दौडमा
कति कुद्नु नपुगिने लक्ष बुझेपछि
र त आजकल समेटिरहेछु
छरपस्ट जिन्दगीलाई ।

०००
१७ असोज २०७९ लखनऊ ।
‘प्रिय मान्छेहरू’ बाट

Subscribe
Notify of
guest

0 Comments
Oldest
Newest Most Voted
Nepal Telecom ad
प्रश्नहरूको सम्बोधन

प्रश्नहरूको सम्बोधन

सुरेन्द्र लिम्बु परदेशी
देशलाई सपूतको खाँचो

देशलाई सपूतको खाँचो

सुरेन्द्र लिम्बु परदेशी
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x