यादव भट्टराईरुख ढलेपछि
रुख ढलेपछि छहारी ढल्छ ओत ढल्छ सँगसँगै सपनाको भकारी ढल्छ आड ढल्छ जन्मेदेखिको रुख ढल्नु र समय ढल्नु विपनाजस्तै सपना ढल्नु रहेछ ।
यादव भट्टराई :
हेर न
कस्तरी बिस्तारै बिस्तारै
ढल्दै छ समय
ढलेजस्तै गरी बुढो सिमलको रुख
रुख ढलेपछि
ढल्छ
बचेराहरूको गुँड
बटुवाहरूको छहारी ढल्छ
र ओत ढल्छ झरीको
त्यही रुखमा छोडेर
बर्सौंअघि दु:खले बनाएको गुँड
चारो खोज्न हिँडेकाहरू
कहाँ बिसाउँछन् होला फर्केर
थाकेको शरीर साँझमा
रुखै ढलेपछि !
रुख ढलेपछि
छहारी ढल्छ
ओत ढल्छ
सँगसँगै सपनाको भकारी ढल्छ
आड ढल्छ जन्मेदेखिको
रुख ढल्नु र समय ढल्नु
विपनाजस्तै सपना ढल्नु रहेछ ।
०००
काठमाडाैं
Subscribe
Login
0 Comments
Oldest
