रुद्र ज्ञवालीतीन लबटा
१. गोर्खा दक्षिणवाहु
बोलाएर बाँडिदै छ यहाँ छिनछिन
जस्ता हो कि कर्कटपाता काटी थोत्रो टिन
काम देख्दा नरभक्षि लाग्छ महाराहु
भन्छन् तर सबैजना गोर्खा दक्षिणवाहु ।
२. मन्त्री हुन
उफ्रिएर आकाशका तारा जून छुन
अहमको नौलो राग बजाएर धून
हल्लाउँदे पुच्छर शिर हात जोडे पुग्छ
ज्ञान शिक्षा चाहिएन अब मन्त्री हुन ।
३. छुचुन्द्राहरू
लादी, बिष्टा उधिनेर कोही फाटो देखाउने भा’छन्
कोही घुर्की, कोही धाक, कोही गुडागर्दीको टाटो देखाउने भा’छन्
प्रतिशोधको काँचो वायु जागृत गरी हिँड्ने
छुचुन्द्राहरू आज राष्ट्रवादीलाई बाटो देखाउने भा’छन् ।
निर्मोहीनगर, चन्द्रनिगाहपुर, रौतहट
Subscribe
Login
0 Comments
Oldest






































